Incorporación de Adrián Losón e continuidade de Jorge Bouzas no Calvo Xiria esta tempada

1 minutes read

Adrián Losón Fernández (Lalín, 1988)

Pivote procedente dunha das canteiras máis importantes de Galicia como é o BM. Lalín. Alí formouse e acadou coa base o campionato galego en ata 3 ocasións como alevín, infantil e cadete. Militou 5 anos en primeira nacional como pivote, defensor central e no segundo.
Adrián, formado cun ciclo en comercio traballa para Sinelec Racord como comercial por toda Galicia, e non quixo perder a oportunidade de reforzar o proxecto do Calvo Xiria dende a liña dos 6 metros.

Jorge Bouzas (Carballo, 1995) continúa no Calvo Xiria.

O extremo esquerdo seguirá un ano máis vestindo de verdinegro. Será a sétima campaña no primeiro equipo do Xiria para el. Un xogador polivalente que destaca tanto en ataque coma en defensa. A súa velocidade e reflexos fan que sexa un eficaz defensor avanzado e rápido no contragolpe.
Na parte académica conta cun ciclo de Administración e ademáis forma parte do equipo técnico de adestradores das Escolas de Balonmán Xiria. Un máis dos canteiráns que apostan pola súa evolución e continuidade como formadores dentro do clube. Con ampla experiencia xa en primeira estatal, sen dúbida será un gran ano para Jorge.

Estás seguro de que quieres desbloquear este artículo?
Desbloquear izquierda : 0
Estás seguro de que quieres cancelar la suscripción?