Inditex chegou a un acordo cos sindicatos fixando un salario mínimo fixo desde 18.000 euros a todos os traballadores das súas tendas das diferentes marcas do grupo de toda España.
Este xoves finalizou o proceso de negociacións desde que comezou o pasado mes de outubro cun acordo que segundo indica nun comunicado UXT, «soluciona algunha das inxustizas que se producían no grupo, e por fin empeza un camiño de homoxeneidade nas distintas marcas e territorios».
Así, establécese un salario mínimo fixo para o conxunto dos traballadores das tendas do grupo independentemente do convenio colectivo de aplicación do seu salario fixo, sen contar os conceptos vinculados á antigüidade así como todos os conceptos variables (comisións, incentivos, nocturnidade,…) e os pluses que abona Inditex que non aparecen en convenio.