Inditex, grupo controlado por Amancio Ortega, informou este sábado á CNMV de que, «nas actuais circunstancias, non pode garantir a continuidade das operacións e das condicións comerciais na Federación Rusa e suspende temporalmente a súa actividade nas 502 tendas (das cales, 86 son Zara) e na canle en liña do país. Tamén Tendam, dono de Cortefiel e Women’s Secret, comunicou que cesa alí as súas operacións. Rusia é o segundo país do mundo onde Inditex ten máis tendas, só superado por España. A data de xaneiro de 2021, tiña alí máis de 9.000 traballadores, o segundo, de novo, tras o mercado español. En Bielorrusia, outro país obxecto de sancións polo seu apoio a Rusia no conflito, conta con 13 tendas, mentres que en Ucraína conta con 79, todas elas xa pechadas desde que empezou a invasión. Tendam, tamén anunciou na mañá deste sábado o peche temporal das súas tendas nese país. Nunha nota, a compañía di que «a decisión de suspender temporalmente a actividade en Rusia efectuarase garantindo a máxima protección a todos os empregados e colaboradores». Alí conta cunhas 50 tendas, a maioría Women’ Secret, e 400 traballadores.
39