O grupo Inditex pospoñerá a aplicación dun ERTE ao 15 de abril e só se o estado de alarma e peche de tendas se manten en España. O presidente de Inditex, Pablo Isla, comprometeuse o mércores, durante a presentación de resultados do grupo, a preservar os postos de traballo «como obxectivo prioritario da compañía» a pesar da crise do coronavirus. Isla comprometeuse a «complementar a retribución dos traballadores en caso necesario durante o período de peche de tendas» pero tamén a «estudar todas as ferramentas que o Goberno puxo ao dispor das empresas». A semana próxima, Inditex presentará un ERTE «preventivo» para poder ser aplicado a partir do 15 de abril se continuase a pandemia.