Inditex rexistra un beneficio neto récord de máis de 4.600 millóns

Nos nove primeiros meses do seu exercicio fiscal (febreiro a outubro de 2025), Inditex rexistrou un beneficio neto récord de 4.622 millóns de euros, un 3,9 % máis que no mesmo período de 2024. As vendas da multinacional con sede en Arteixo ascenderon a 28.171 millóns de euros nos nove primeiros meses do seu ano fiscal, un 2,7 % máis, mentres que as vendas a tipo de cambio constante creceron un 6,2 %. Con estos datos, Inditex disparouse en bolsa, por encima do 8 % na apertura, ata os 53,02 euros por título, despois de comunicar resultados récord neses nove primeiros meses do seu exercicio fiscal.