- Contruíranse 720 nichos e 96 columbarios
O alcalde de Carballo, Evencio Ferrero, acompañado polos concelleiros Luis Lamas e Maruxa Suárez, achegouse este venres ata o cemiterio municipal para comprobar o inicio da primeira fase das obras de ampliación. Adxudicadas á empresa Vázquez y Reino por un importe de 647.008,93 euros, estas actuacións financiaranse con cargo ao remanente de tesourería do ano 2019. O prazo de execución dos traballos é de catro meses.
Nesta primeira fase prevese a construción de 720 nichos e 96 columbarios, pero o proxecto completo inclúe nove bloques de niños -dous deles dando continuidade a panteóns xa existentes e o resto, coma bloques illados e cinco de columbarios-. En total realizaranse 456 panteóns con 1.824 nichos e de 256 columbarios distribuídos en 64 columnas.
Ademais, en cumprimento da lexislación autonómica sobre sanidade mortuoria, nesta primeira fase procederase á instalación dun forno incinerador, completándose a intervención coa urbanización da contorna.