O Concello de Malpica segue a executar as obras incluídas no POS + Adicional 2/2021. Nesta ocasión xa se iniciaron os traballos de mellora e mantemento do camiño de A Besugueira de Barizo. Gr Construcións, Obras e Servizos S.LU está a ser a empresa encargada de realizar os traballos que contan cun orzamento total de 79.262,48€. Con esta melloras, ademais de varias vivendas particulares, tamén se verán beneficiados os accesos a dous locais de hostalería, un deles con estrela Michelín, así como unha cetárea existente no lugar. O Concello de Malpica está a realizar un gran esforzo por manter perfectamente transitables os accesos a todos os lugares e parroquias do Concello, coa dificultade añadida dos efectos dos temporais agudizados no seu litoral de costa.
38