Tras semanas de negociacións, os inspectores do OIEA viaxaron a Ucraína nunha misión para verificar se a maior central atómica de Europa, ocupada polas tropas rusas, está intacta tras os constantes ataques e escaramuzas entre ambos os bandos.
Unha misión vista polo ministro de Exteriores de Ucraína, DmytroKuleba, como de alto risco:«Sen esaxerar, esta misión será a máis dura da historia do Organismol Internacional de Enerxía Atómica, dadas as actividades de combate activo emprendidas pola Federación Rusa sobre o terreo e tamén pola forma tan descarada en que Rusia tenta lexitimar a súa presenza na central nuclear de Zaporiyia».
Moscova tamén asegura apoiar a misión, pero o portavoz de Vladímir Putin, DmitryPeskov, pide máis presión sobre Kiev: «A presión sobre a parte ucraína para que deixe de bombardear o territorio da central podería aliviar as tensións. Rusia está interesada na misión do Organismo Internacional de Enerxía Atómica, participou na súa preparación e segue aberta á cooperación. As posibles modalidades de accións posteriores discutiranse sobre o terreo. Todo dependerá dos detalles».
O medo a un novo Chernóbil asusta tanto ao OIEA como aos líderes europeos.