Intercambio de lanzamentos de mísiles contra as súas augas entre as dúas Coreas

Corea do Norte comezou este mércores lanzando 10 mísiles de proba ao Mar do Leste ou Mar de Xapón. Un dos tres mísiles balísticos que lanzou caeu en augas surcoreanas, a 57 quilómetros da costa. Ante esta provocación Corea do Sur respondeu lanzando tamén tres mísiles aire-terra a augas norcoreanas. É a primeira vez que este tipo de lanzamentos caen nas súas respectivas augas o que empeora aínda máis o clima de tensión rexional na zona. O intercambio de mísiles prodúcese tamén nun momento no que Seúl e Washington están a practicar manobras aéreas na rexión.