A Garda Civil de Carballo acudiu á chamada dos clientes dun bar situado fronte ao edificio do Fórum Carballo. Os presentes indicaba que un individuo, de mediana idade atopábase semiespido no local en actitude agresiva e cun machete na man. Á chegada da patrulla policial os alí presentes xa tiñan ao suxeito neutralizado e retirábanlle o machete das mans. A autoridade detivo ao home, recolleu probas e testemuños entre as persoas que había no bar e investiga o ocorrido, por se procedese render contas polos feitos ante a autoridade xudicial. Non foi o único incidente de alteración da orde na mañá deste mércores en Carballo. Clientes dos supermercados Familia, Alcampo e Lidl, asistiron atónitos ao furto de mercadoría dentro destes establecementos, nos dous últimos casos supostamente pola mesma persoa.
42