26
A policía dispersou en Bruxelas a unha multitude que festexaba o fin do toque de queda. Varios miles de persoas concentráronse nos arredores da praza Flagey, un lugar típico da vida nocturna da capital belga. Cando se pecharon as terrazas a multitude fíxose cada vez máis compacta, con euforia, ausencia de máscaras e de distancia interpersoal. Moitos mozos acudiran a celebrar o fin do toque de queda tras unha convocatoria nas redes sociais. Unhas 500 persoas negáronse a retirarse cando a policía o pediu e esta interveu para dispersar á multitude. A pesar de que xa non está prohibido saír da casa en Bruxelas entre a medianoite e as 5, as reunións na rúa non poden superar as tres persoas.