Varias decenas de alumnos de centros educativos das zonas de Pontevedra e Marín sufriron unha intoxicación leve a causa do menú de peixe servido no comedor escolar. A Federación Provincial de Anpa de Centros Públicos de Pontevedra contabilizou, de momento, un mínimo de 41 afectados, todos eles con síntomas similares ás reaccións alérxicas que se rexistraron a pasada semana en varias escolas infantís debido a un menú de palometa. Desde o centro confirmaron que a entidade decidiu encargar a súa propia investigación ao laboratorio encargado do control de calidade dos comedores escolares para realizar análises de mostras, estudo documental do lote e da trazabilidade do peixe. En ambos os casos a cociña estaba xestionada por unha empresa, aínda que se trata tanto de firmas diferentes como de provedores de peixe distintos. Tratáronse de colexios de Infantil e Primaria e no momento no que os monitores se deron conta de que os alumnos mostraban os primeiros síntomas, como erupcións cutáneas ou malestar estomacal, decidiron retirar o prato por seguridade.
48