- Localizáronse 1.628 métodos de caza prohibidos e preto de 120 animais envelenados
A Garda Civil investiga a 28 persoas polo uso ilegal de cebos envelenados despois de que na operación Antitox, desenvolta durante todo o pasado ano, o Servizo de Protección da Natureza (SEPRONA) localizase 1.628 métodos de caza prohibidos e preto de 120 animais envelenados, entre eles cadáveres de lince ibérico, aguia imperial e milanos reais.
Ademais, os axentes tamén incautaron 47 cebos envelenados e un total de 66 quilos de produtos tóxicos, polo que interpuxeron 175 infraccións á normativa de sanidade vexetal, a lei 42/2007 do Patrimonio Natural e da Biodiversidade e lexislación cinexética de diferentes comunidades autónomas.
Levada a cabo de maneira anual, a operación Antitox combate o uso de veleno e outros medios non selectivos de caza no medio natural. Este ano contou ademais coa participación do Servizo Cinológico e do Servizo de Criminalística da Garda Civil.