O Subsector de Tráfico da Garda Civil da Coruña investigou a un home, como presunto autor dun delito contra a seguridade viaria. Os feitos ocorreron por mor da chamada dun usuario da vía á Central Operativa de Tráfico (COTA) alertando da presenza dun vehículo cunha condución errática, invadindo constantemente o sentido contrario ao fluxo circulatorio á altura da rotonda de inicio da estrada AC-552, continuando posteriormente cara á autoestrada AG-55, abandonando a citada vía no saída número 7 en dirección ao porto exterior onde tras chocar coa barreira de acceso cambiou de sentido volvendo a reincorporase á AG-55. Os operadores de COTA informaron desta vicisitude a todas as patrullas da Garda Civil de servizo nesa zona.
No transcurso do dispositivo de procura o vehículo foi localizado por unha patrulla do Subsector de Tráfico da Garda Civil da Coruña á altura das cabinas de peaxe da mencionada autoestrada en Paiosaco, procedendo á súa detención para coñecer as causas que motivaban a errática condución. Tras entrevistarse co condutor, ante os síntomas evidentes de atoparse este baixo a influencia de bebidas alcohólicas, procederon a realizarlle as probas de alcoholemia, lanzando un valor de 0,87 MG/L en aire expirado na primeira e de 0,91 MG/L na segunda.A Garda Civil procedeu á investigación desta persoa, como presunta autora dun delito contra a seguridade viaria.