Investigado un veciño de Camariñas como suposto autor do furto dun GPS

A Garda Civil do Posto de Camariñas investigou a un home da localidade como suposto autor dun delito de furto. Os feitos sucederon a raíz da denuncia interposta pola vítima nas dependencias oficiais da Garda Civil en Camariñas, comunicando que unha ou varias persoas descoñecidas accederan ao interior do seu vehículo, o cal se atopaba estacionado na vía pública, subtraendo do mesmo un dispositivo GPS.
A garda Civil iniciou unha investigación en aras de constatar a veracidade dos feitos e identificar o autor ou autores dos mesmos no seu caso, logrando, tras a análise minuciosa da información solicitada, a identificación plena do suposto autor, resultando ser un veciño da localidade, coñecido polas forzas de seguridade por ilícitos da mesma índole.