Axentes do Seprona da Garda Civil de Corcubion procederon á imputación en calidade de Investigados de 3 veciños de Muxia, como autores dun delito de vertedura continuada de augas residuais. A investigación comezou no mes de febreiro cando os axentes a través dunha chamada telefónica teñen coñecemento da existencia dunha vertedura procedente dunha explotación gandeira, a cal podería estar a contaminar as augas subterráneas.
Apoiados por persoal do Equipo de Protección da Natureza da Garda Civil da Coruña procédese a tomar mostras nun pozo existente en cotas inferiores, dando como resultado uns parámetros altísimos de contaminación, non sendo dita auga apta para o consumo. Os compoñentes do Seprona de Corcubion finalizan a investigación ao imputar en calidade de investigados aos causantes da devandita vertedura que podería ser, segundo manifestacións tomadas durante a investigación, continuada desde hai 3 anos, estando mesmo recollido na Lei Orgánica 10/1995, do 23 de novembro do Código penal, Título XVI dos delitos relativos á ordenación do territorio e o urbanismo, a protección do patrimonio histórico e o medio ambiente, CapítuloIII. Dos delitos contra os recursos naturais e o medio ambiente, no seu artigo 325 e posteriores.
Os investigados de 58, 56 e 27 anos respectivamente son os propietarios da explotación gandeira inspeccionada e supostamente causante da vertedura. Instrúense dilixencias que son remitidas ao Xulgado de 1ª Instancia e Instrución de Garda de Corcubion.