21
A Garda Civil investiga as circunstancias da morte dun home que apareceu sobre unhas rochas preto do peirao de Escarabote, no concello de Boiro. É un veciño da Ribeiriña de 43 anos de idade. Os servizos de Emerxencia recibiron unha chamada, pero o persoal sanitario do 061 que se desprazou ata o lugar só puido certificar o falecemento do home. No operativo tamén participou a unidade de Bombeiros e o servizo de Protección Civil da localidade.