Investigan a morte dun mozo que caeu desde un sexto andar na Coruña

O suceso produciuse á primeira hora da mañá deste sábado. Un dos veciños do último piso da rúa Doctor Fléming, no barrio do Gurugú, espertou co ruído e descubriu un mozo deambulando pola terraza, aparentemente en estado de embriaguez. Preguntoulle que facía alí, pero non obtivo resposta e inmediatamente chamou á Policía Nacional. Pouco despois escoitou un golpe forte e comprobou que o mozo caera polo patio interior do edificio. O propio veciño chamou ao 061 mentres baixaba polas escaleiras para auxilialo. Cando chegaron os sanitarios certificaron a súa morte. O rapaz resultou ser un coñecido no barrio porque durante un tempo viviu nun dos inmobles ocupados ilegalmente na mesma rúa.