Irán advertiu a Israel de que os membros do chamado Eixo da Resistencia, alianza informal contra o Estado Xudeu, están listos para responder se continúan, din, os crimes israelís en Gaza.
Os líderes da resistencia na rexión están extremadamente unidos, contemplan todos os escenarios, están preparados e teñen os dedos no gatillo listos para disparar”, dixo o ministro iraniano de Exteriores, Hosein Amir Abdolahian.
“A reposta darase no momento oportuno, no momento no que decida o movemento da resistencia, no caso da inactividade da comunidade internacional, a ONU e actores”, indicou Abdolahian nunha rolda de prensa en Beirut, onde se atopa de visita.
O ministro de Exteriores de Irán reuniuse co xefe do Buró político do movemento islamita palestino Hamás en Catar mentres que o líder supremo de Irán, Ali Jameneí, asegurou que os palestinos se impoñerán na guerra contra Israel.
O denominado Eixo da Resistencia é unha alianza informal capitaneada por Irán e composta por Siria e milicias como Hizbulá ou as faccións palestinas.
Doutra banda o secretario de Estado estadounidense, Antony Blinken reuniuse en Abu Dabi co presidente de Emiratos Árabes Unidos, Mohamed bin Zayed, na súa xira por Oriente Medio para manifestar o seu apoio «inquebrantable» a Israel.