Irán non se amedrenta ante as presións europeas e avisa ás tropas despregadas en Oriente Medio. A advertencia de Francia, Alemaña e Reino Unido de activar o denominado mecanismo de resolución de conflitos do acordo nuclear asinado en 2015 tivo unha dura resposta.
O pacto pende dun fío e a tensión co réxime dos aiatolás intensifícase, como mostran as palabras do presidente Hasán Rohaní: «Hoxe, o soldado estadounidense está en perigo. Mañá o soldado europeo podería estar en perigo. Teñamos seguridade. Non queremos inestabilidade no mundo. Queremos que os europeos saian desta rexión dunha maneira intelixente, non por unha guerra». O mandatario tamén sinalou aos 28 pola súa falta de compromiso ante Estados Unidos tras a súa retirada do pacto nuclear e outros acordos internacionais. «Cando Trump se retirou do acordo sobre o clima, que fixeron vostedes? cando el rompeu coa OTAN, que fixeron vostedes? Cando deixou a Unesco, que fixeron? Cando deixou o Consello de Dereitos Humanos (da ONU), que fixeron? Segundo a televisión estatal iraniana, o embaixador británico abandonou o país despois de ser detido durante un breve período de tempo. O sábado Robert Macaire estivo na vixilia polas vítimas do voo de Ukranian Airlines e marchouse cando comezaron as protestas antigubernamentales, antes de ser arrestado.