41
A ministra de Igualdade, Irene Montero, confirmou este xoves que aínda segue dando positivo en coronavirus e que, por tanto, mantense en illamento e traballando de forma telemática desde o seu domicilio.
Montero leva xa máis dun mes en corentena, xa que foi o pasado 11 de marzo, antes de que se decretase o estado de alarma, cando deu positivo por primeira vez nas probas que se fixo tras notar síntomas do virus.
En declaracións a Mediaset, Montero afirmou que se atopa ben e que, de feito, tivo «sorte» porque os seus síntomas foron «moi leves». Con todo, explicou que aínda non hai seguridade de que non siga contaxiando e que, por iso, debe permanecer illada ata que o determinen as autoridades sanitarias.