Altos cargos palestinos anunciaron un acordo para alcanzar unha tregua con Israel. O comezo deste «alto ao lume», onde a mediación de Exipto foi fundamental, coincide co inicio do mes santo do Ramadán.
Durante os últimos tres días mísiles lanzados desde Gaza mataron a catro israelís e a resposta acabou coa vida de vinte palestinos, máis da metade civís.
Tel Aviv dixo que os bombardeos aéreos na franxa son a resposta a disparos no sur do país. O domingo pola noite un mísil impactou contra unha casa en Ascalón e un home de 58 anos foi a primeira baixa civil de Israel por esta causa desde 2014. En Ashdod houbo outra vítima mortal.