Bombardeos contra edificios, ataques sen descanso contra milicianos e, en xeral, un feroz asedio a toda a Franxa de Gaza, privada de electricidade, alimentos e carburante mentres dure a guerra. A resposta israelí ao ataque de Hamás vai cobrando forza.
O luns seguía habendo combates en Israel, pero as forzas deste país parecen ter claro que o obxectivo final está máis aló das súas fronteiras, e así o fan notar. Todo iso cos civís como as principais vítimas dun conflito que dura décadas e cuxo final é imposibe de divisar.
Agora mesmo o balance provisional é de 900 israelís e uns 600 palestinos mortos, incluídos 140 nenos, desde o sábado. Hai miles de feridos e máis de 100 cidadáns e soldados israelís seguen sendo reféns dos islamitas.
A guerra é un feito. Os foguetes palestinos seguen sementando o pánico nas cidades israelís, onde se viven escenas hai uns días do todo inimaxinables. Hamás disparou máis de 4000 foguetes, desbordando as defensa israelís e perforando a súa reputada Cúpula de Hierro.