Italia bloqueou o envío a Australia de 250.000 vacinas de AstraZeneca tras considerar a escaseza de vacinas na UE e en Italia, e os atrasos nas subministracións. Convértese así no primeiro país da Unión Europea en bloquear a exportación de vacinas contra a COVID-19. Mentres, e a pesar dos receos, Alemaña aprobou a vacina de AstraZeneca para maiores de 65 anos. Con esta decisión espera acelerar a súa campaña de vacinación. Alemaña non a autorizaba ata o de agora, pola falta de datos científicos suficientes do laboratorio británico-sueco que as fabrica. No Reino Unido avanza a masiva vacinación con AstraZeneca. Segundo as autoridades británicas é moi eficaz e desde a primeira dose reduce nun 90% as hospitalizacións dos maiores de 70 anos. En Europa, tras seis semanas de diminución dos casos de COVID-19, a OMS anunciou un novo repunte cun aumento de preto dun millón de casos, o que representa preto do nove por cento.
47