O príncipe Joaquín de Bélxica recoñeceu este domingo «non respectar todas as medidas de corentena» durante a súa viaxe á cidade española de Córdoba, onde asistiu a unha festa ilegal que está a ser investigada pola Policía, e pediu «desculpas» por iso. Nun escrito remitido a Efe a través do seu portavoz en Córdoba, o avogado Mariano Aguayo Fernández de Córdova, o membro da Familia Real belga afirma que se arrepinte «profundamente dos seus actos» e asegura que acepta «as súas consecuencias». O príncipe Joaquín asistiu nesa cidade do sur de España a unha festa que superaba o número permitido de asistentes, todos os cales tiveron que ser postos en corentena despois de que o sobriño do rei Felipe de Bélxica dese positivo por COVID-19. Nun único parágrafo, escrito tanto en español como en inglés, Joaquín de Bélxica afirma que «nestes momentos difíciles», non pretendía «ofender nin faltar o respecto a ninguén». «Gustaríame desculparme por non respectar todas as medidas de corentena durante a miña viaxe. Nestes momentos difíciles, non pretendía ofender nin faltar o respecto a ninguén. Arrepíntome profundamente dos meus actos e acepto as consecuencias. Joachim de Bélxica», escribe na nota. As autoridades da rexión de Andalucía (Sur), na que se atopa Córdoba, informaron esta semana de que a Policía Nacional española investigaba unha festa privada ilegal da alta sociedade na que un turista estranxeiro, presuntamente vinculado á Casa Real belga, deu positivo por coronavirus, o que puxo en corentena a todos os asistentes. Varios medios belgas desvelaron este sábado que quen dera positivo era Felipe de Bélxica, fillo da princesa Astrid e o príncipe Lorenzo, e aseguraron que as persoas postas en corentena participaran nunha festa con el. Fuentes do Palacio Real belga confirmaron a Efe en Bruxelas que o príncipe Joaquín, fillo da princesa Astrid e o príncipe Lorenzo, desprazouse a España o 24 de maio nun voo comercial e cun permiso de entrada no país, a pesar das restricións pola pandemia, debido a que realiza unhas prácticas empresariais neste país. Varios medios belgas apuntan a que o mozo ten unha relación desde hai varios anos coa española Vitoria Ortiz Martínez- Sagrera.
Ventisiete persoas en corentena
As 27 persoas que asistiron á festa están a gardar corentena e a policía abriu unha investigación que podería desembocar na imposición dunha multa de entre 600€ a 10.000€ xa que o evento reuniu a case o dobre de persoas das que se autoriza na fase 2 da desescalada en España. Córdoba, como o resto de Andalucía atópase aínda nesta fase. O presidente do Goberno autónomo de Andalucía, Juanma Moreno declarou: «Este tipo de comportamento non se pode repetir, non debe repetirse. Paréceme unha enorme irresponsabilidade cara a eles mesmos, os seus familiares, amigos e o conxunto da sociedade.» O príncipe belga, Joaquín, aterrou en Madrid e tomou o AVE (tren de alta velocidade) a Córdoba, por razóns profesionais segundo a Casa Real belga, con todo a súa parella, Vitoria Ortiz é orixinaria da cidade andaluza segundo acreditan ambos nas redes sociais.