O presidente dos Estados Unidos, Joe Biden, asegurou que seguirá «engadindo sancións» a Rusia tras o que cualificou de «atrocidades» perpetradas polas Forzas Armadas rusas en varias cidades ucraínas. As autoridades ucraínas denunciaron o achado de máis de 400 cadáveres nas rúas de Bucha, no que segundo o ministro ucraíno de Exteriores, Dimitro Kuleba, sen ter en conta a matanza de Srebrenica, asegurou que «é a peor masacre en Europa desde a II Guerra Mundial».
Biden, explicou ante os xornalistas: «Quizá lembren que me criticaron por chamar a Putin criminal de guerra. Pois ben, a verdade é que vimos o que pasou en Bucha. Isto xustifícao… é un criminal de guerra».
Nun tweet, a presidenta da Comisión Europea, Ursula von der Layen asegura que a Unión Europea está disposta a enviar equipos de investigación para documentar os crimes de guerra en coordinación co fiscal xeral de Ucraína.