Joe Biden tomou posesión como 46º presidente dos Estados Unidos no medio de cifras récord de contaxios por COVID-19, con medidas sanitarias sen precedentes e tamén cun histórico despregamento de seguridade, debido ás ameazas dos seguidores de Donald Trump.
O discurso de Joe Biden centrouse nunha mensaxe de concordia nun momento de máxima tensión e con numerosas frontes abertas: “Este é o noso momento histórico de crise e desafío, a unidade é o camiño para seguir” dixo. «A vontade do pobo foi escoitada, e a vontade do pobo foi atendida. Aprendemos de novo que a democracia é preciosa e a democracia é fráxil. Neste momento, amigos meus, a democracia prevaleceu», dixo Biden. «Este é o día de América. Este é o día da democracia. Un día na historia e a esperanza, de renovación e resolución.» dixo.
Ningún dos asistentes mencionou ao predecesor de Biden no cargo, Donald Trump, o primeiro presidente que non asiste á toma de posesión do seu sucesor desde 1869, cando o fixo o presidente Johnson.