Juan Carlos de Borbón concluíu unha axitada viaxe privada cun reencontro no Palacio da Zarzuela co seu fillo, o rei de España. Estivo once horas na que foi a súa residencia durante 57 anos. Juan Carlos I podería volver establecerse en España de maneira estable proximamente. A Casa do Rey explica nunha nota que Felipe VI e o seu pai, Juan Carlos I, mantiveron «un tempo amplo de conversación» sobre «cuestións familiares» e «distintos acontecementos e as súas consecuencias na sociedade española» desde que decidiu trasladarse a Emiratos Árabes Unidos. Reuniuse tamén coa súa muller, a raíña Sofía, afectada de covid, e outros familiares na residencia oficial do rei Felipe VI sen que transcendesen máis detalles dun encontro etiquetado oficialmente como privado. Juan Carlos de Borbón levaba 22 meses ausente de España, mentres a fiscalía española e suíza investigaba os seus negocios e comisións cobradas en distintos países.