O líder opositor Juan Guaidó, recoñecido como presidente interino de Venezuela por máis de 50 países, recibiu unha malleira por parte dun grupo de chavistas que o agardaban no Aeroporto Internacional Simón Bolívar de Caracas cando regresaba dunha xira internacional de 23 días.
Pouco despois de saír da terminal, preto de 200 persoas abalanzáronse sobre el dándolle puñadas e golpeárono con obxectos contundentes. Tamén á súa esposa, Fabiana Rosales, e a varios deputados opositores que o recoñecen como xefe do Parlamento e que acudiron a recibilo.
Os feitos foron contemplados por ducias de militares e policías que non impediron a agresión.