O artista foi ingresado este venres no Hospital Virxe do Rocío en Sevilla. Aos seus 38 anos, o fillo de Isabel Pantoja sufriría un ictus e atópase baixo supervisión médica, pois, como se sabe sobre os trombos no cerebro, as primeiras horas de coidados son decisivas. Tanto a súa irmá como a súa nai están ao tanto da noticia, pero o televisivo fillo de Paquirri non poderá recibir visitas polo momento pola gravidade da situación.
Kiko Rivera tiña programada unha actuación o vindeiro venres 28 de outubro na I Edición do Festival O Son do Dubra, en Val do Dubra, acompañado dos Djs de Novahit, Dj Roy e Dj Charlie, entre outros. De momemento o futuro inmediato das actuacións previstas de Kiko é unha incógnita e o menos importante da situación actual.
Hai uns días o DJ anunciaba nas redes sociais un contratempo de saúde, pero non parecía revestir gravidade. Rivera estaba afectado da garganta e pasara horas moi malas, tal e como detallou en Twitter e Instagram: “Estou ben fodido”, expresou. “Esperto aínda que fodido da garganta. Gran putada”, agregou.
