0
Nova provocación de Pionyang. O líder de Corea do Norte supervisou un test de mísiles de cruceiro, segundo informaron medios estatais. A axencia de noticias KCNA non detallou nin o lugar nin a data, pero o anuncio coincide co inicio das manobras militares conxuntas entre Corea do Sur e Estados Unidos, que se prolongarán ata o 31 de agosto. Kim Jong-un supervisou o lanzamento a bordo dun buque de guerra, durante unha visita a unha unidade naval na que destacou a importancia de “modernizar o armamento das forzas marítimas”.