A Garda Civil incautou 3.250 quilogramos de xurelo no porto de Camariñas

0

Os feitos sucederon cando efectivos do Servizo Marítimo Provincial da Garda Civil da Coruña que se atopaban realizando o propio da especialidade, observaron a dous pesqueiros descargando as capturas na mencionada instalación sen realizar a notificación previa á descarga.
Os efectivos actuantes procederon ao control das mesmas, comprobando que a primeira das embarcacións presentaba un exceso de capturas de 497 quilogramos e a segunda de 1.508 quilogramos, atopando ademais abandonadas no cantil, as capturas doutra embarcación que non puido ser identificada as cales lanzaron un total de 1.245 quilos.
A Garda Civil procedeu ao comiso das capturas atopadas no cantil, así como do exceso de capturas descargadas de ambos os barcos, permitindo a comercialización da cota correspondente e á confección das pertinentes actas-denuncia por presuntas infraccións á Lei 11/ 2008 de pesca de Galicia por non realizar a notificación previa á descarga, por exceso de capturas e por superar o 10% máximo permitido.
As capturas incautadas foron entregadas ao Banco de Alimentos Rías Altas.