A variante lambda rexistrouse inicialmente en Perú en agosto de 2020, aínda que actualmente é Chile onde está máis estendida. Entre os países con máis prevalencia desta variante, despois de Chile, atópanse Estados Unidos, Perú, Ecuador e México. Ata o de agora, lambda detectouse en máis de 40 países. O último informe do Centro de Coordinación de Alertas e Emerxencias Sanitarias (CCAES) sobre as variantes do SARS- CoV-2 de maior impacto e interese en España, publicado en xullo, destaca que a variante lambda «detectouse de maneira puntual, por baixo do 1%», e que «se notificaron varios brotes en Cantabria nos que estaba implicada esta variante, un deles con máis de 90 casos». A base de datos de GISAID, a plataforma internacional de secuenciación xenómica do SARS- CoV-2 e centro recoñecido pola Comisión Europea, cifra en 115 os casos totais desta variante en España.
34