37
Os servizos sanitarios de urxencia trasladaron na mañá deste domingo ao tripulante dun buque atracado no Porto Exterior de Ferrol.
Ocorreu no buque Bosnia, de nacionalidade filipina, segundo a información facilitada ao 112 Galicia, o operario sufriu unha caída de altura que lle provocou diversas lesións de consideración, polo que foi trasladado ao Hospital Arquitecto Marcide.
Co equipo sanitario colaborou, tamén, o persoal da Autoridade Portuaria e os axentes da Policía Local e Nacional. Segundo os datos achegados polo organismo portuario, malia as feridas que presentaba, o tripulante foi trasladado consciente.