- O suceso produciuse ao fío das 16:15 horas deste luns, e a vítima foi evacuada ao centro hospitalario de referencia
Os servizos de emerxencia liberaron a un home que quedara atrapado debaixo da cabina do camión que conducía ao tratar de realizar unha manobra no lugar de Forniños, no termo municipal coruñés de Negreira. O camioneiro foi evacuado en ambulancia ata o centro hospitalario de referencia.
O incidente produciuse ao fío das 16:15 horas deste luns na parroquia de Xallas, e foi un particular quen alertou ao 112 Galicia do sucedido.
No operativo participaron os profesionais sanitarios do 061, os Bombeiros de Santa Comba e efectivos do GES de Brión. Ao lugar tamén acudiron os axentes da Policía Local e da Garda Civil de Tráfico para restablecer a seguridade na vía.