35
Un home foi trasladado despois de quedar atrapado debaixo dun turismo mentres cambiaba a súa roda no interior dun garaxe da Rúa de Pardal, en Vigo. Ao parecer, a ferramenta usada para levantar o coche cedeu, imposibilitando que a persoa que estaba realizando o cambio da peza puidese saír polos seus propios medios de debaixo do automóbil.
O 112 Galicia tivo constancia dos feitos tras recibir a chamada de alerta dun particular ás 18:00 horas deste luns e, de inmediato, puxo a situación en coñecemento dos profesionais sanitarios e dos Bombeiros de Vigo, ademais dos axentes de Policía Nacional e Local.
Finalmente, os servizos de emerxencia encargáronse de mover o turismo e o ferido puido ser evacuado en ambulancia.