Libia | Duros combates en Trípoli deixan unha trintena de mortos e 150 feridos

Desde o venres intensifícanse os choques armados entre milicias en distintos barrios residenciais da capital libia. Este domingo había polo menos unha trintena de mortos e máis de cento cincuenta feridos. Os enfrontamentos responden á loita de poder entre varias milicias e grupos armados en apoio ás dúas administracións que existen no país: o Goberno de Unidade Nacional de, primeiro ministro Abdulhamid Dbeiba, con sede en Trípoli, e o executivo paralelo de Fathi Bashaga como primeiro ministro, situado en Sirte, no centro do país e apadriñado polo home forte de Libia, o xeneral Jalifa Hafter, acusado por Estados Unidos de crimes de lesa humanidade. A misión especial da ONU en Libia urxiu ao cesamento inmediato das hostilidades.