A Consellería do Mar, a través de Portos de Galicia, vén de iniciar o procedemento de licitación do servizo para a modernización do sistema de iluminación de 26 portos autonómicos a través de tecnoloxía LED con xestión telemática, entre os que se atopan o de Malpica, Laxe, Fisterra e Cee. O contrato sae a concurso cun orzamento base de licitación de 3,8 millóns de euros, IVE incluído. A través deste contrato, Portos de Galicia executará a renovación do alumeado que posúen na actualidade estes portos. O obxectivo principal destes traballos de modernización é reducir a contaminación ambiental e luminosa nos espazos portuarios, co apoio dun sistema de control remoto das luminarias. Así, aportarase maior comodidade visual aos seus traballadores e usuarios ademais de procurar un aforro enerxético estimado do 60%. Instalaranse luminarias e proxectores LED para a iluminación exterior das instalacións dos peiraos así como o equipamento informático necesario para a configuración do sistema de telexestión.
19