Licitadas as obras de ampliación e modernización da potabilizadora de Padrón

A conselleira de Infraestruturas e Mobilidade, Ethel Vázquez, presentou en Padrón este proxecto, que permitirá mellorar do abastecemento do sistema da marxe dereita da ría de Arousa. As empresas interesadas nos traballos teñen ata o 7 de marzo para presentar as súas ofertas. A partir de aí, sinalou, traballarase para comezar as obras no último trimestre do ano, cun prazo de execución de 18 meses, ao longo do cal se irán poñendo en servizo os distintos elementos de xeito progresivo. A ampliación e modernización da potabilizadora permitirá blindar o abastecemento futuro de auga aos 10 concellos da marxe dereita da ría que están conectados a este sistema.