43
A Plataforma de Contratos Públicos de Galicia publicou a licitación do derrubamento da antiga discoteca ‘Hesta Kurba’, onde se emprazará a futura residencia pública de maiores do concello de Ribeira. Será o primeiro centro no que se aplicarán as innovacións do novo modelo residencial.
A Consellería de Política Social e Xuventude valorou se era posible manter algunha parte da estrutura do inmoble, pero debido ao seu estado de conservación non foi posible aproveitala. As empresas interesadas en presentar ofertas teñen ata o 23 de xuño ás 10.00 horas para facelo. Así mesmo, o prazo da execución do derribo é de catro meses e o orzamento para esta actuación supera os 540.000 euros.