O Equipo de Atestados do Subsector de Tráfico da Coruña realizou unha investigación penal en Coristanco por delito contra a seguridade viaria por conducir un vehículo de motor baixo a influencia de bebidas alcohólicas. A investigación ocorreu cando, no marco de actuación dun Punto de Verificación de Persoas e Vehículos na estrada DP-2904 (Coristanco a Santa Comba) no termo municipal de Coristanco, unha patrulla do Destacamento de Tráfico da Coruña se dispón a identificar o condutor dun turismo.
Ao interactuar coa persoa os axentes aprecian nel claros síntomas de embriaguez, sendo sometido por iso ás probas de detección alcohólica por aire expirado. O agora investigado arroxou taxas de 0,90 e 0,94mg/ l, máis do triplo do máximo permitido. O Equipo de Atestados do Subsector da Coruña abre dilixencias pola comisión dun delito por condución baixo a influencia do alcol.
A este condutor cónstanlle tres antecedentes polo mesmo delito en anos anteriores, sendo condenado penalmente e tendo que realizar o Curso de Reeducación Viaria nas tres ocasións.