40
Esta tarde foi localizado o corpo sen vida do mariñeiro desaparecido durante o naufraxio da embarcación «Rosa» este pasado martes preto da Illa de Ons, e no que se salvaron os outros dous tripulantes.
Os buzos da Garda Civil atoparon á vítima preto do lugar do suceso, nun operativo no que tamén participaron Salvamento Marítimo, Gardacostas de Galicia, o Servizo de Emerxencias do Grove, persoal do Parque Nacional das Illas Atlánticas, o grupo local de emerxencias de Ribeira e o GES de Muros.