Os remolcadores desprazados a Ares para o rescate do quimiqueiro Blue Star lograron desencallar o barco esta tarde no terceiro intento.
Foi logo de que esta madrugada realizasen unha segunda tentativa de traslado da embarcación, sen éxito ao rexistrarse condicións no mar máis benévolas do esperado. Tras un primeiro exercicio pouco frutuoso na tarde do luns, realizouse outro segundo arredor das 2:00 horas na zona costeira das Mirandas. No intento de remolque da tarde do luns logrouse desprazar a unidade con pavillón de Malta arredor de dez metros desde a súa posición orixinal.
Finalmente este martes, contra as dúas e media da tarde, os dous remolcadores conseguiron sacalo das rochas onde estaba desde que encallara en pleno temporal desde a madrugada do 23 de novembro.