A Catedral de San Pablo en Londres celebrou este venres a misa para marcar os 70 anos no trono da raíña Isabel II sen a presenza da monarca, que foi substituída polo seu fillo Carlos de Inglaterra despois de que a raíña sufrise “certas molestias”. Pola súa banda, á cerimonia acudiron os duques de Sussex, o que marcou o seu primeiro acto público en dous anos, cando se mudaron a Estados Unidos e se apartaron da Casa Real británica. O arcebispo de York, o reverendo Stephen Cottrell, foi o encargado de oficiar a cerimonia relixiosa en lugar do arcebispo de Caterbury, o reverendo Justin Welby, quen deu positivo en COVID-19. A misa celébrase no segundo dos catro días de festexos oficiais polo Xubileu de Platino da raíña Isabel II, quen presenciou este xoves o voo rasante de avións militares desde o balcón do Palacio de Buckingham tras o desfile militar que marca os seus aniversarios.
32