Moitas panaderías da Costa da Morte víronse rodeadas de paciencia este seis de xaneiro. O motivo non era outro que o de centenares de persoas á espera de poder comprar a Rosca de Reis. Para exemplo a Roiser de Coristanco, desde primeira hora da mañá e ata preto das tres da tarde non houbo tregua, un ir e vir de xente fixo empregar a fondo aos seus traballadores e traballadoras para dar cumprido á altísima demanda da súa prezada Rosca elaborada de forma artesanal. A un prezo estándar de 18 euros do «redondo de doce» grande, en xeral as vendas foron excelentes. Tamén os houbo recheos de crema, nata, con froitas ou chocolate. Deste xeito a tradición mantense, e aínda que houbo moitas vendas de roscas, unha das cousas que máis afectou ao sector é o incremento dos prezos en materias primas e o custo enerxético.
31