Está chamada a ser unha campaña mundial de vacinación sen precedentes na historia, e en Alemaña un dos maiores centros de transporte de produtos farmacéuticos do mundo ultima os preparativos para o envío de ditas vacinas. Atópase no aeroporto de Frankfurt: 12.000 metros cadrados pertencentes á compañía Lufthansa Cargo. Unha vez as autoridades vaian aprobando o envío das vacinas contra o coronavirus, varios millóns delas pasarán por aquí. Só o ano pasado este centro manexou 120.000 toneladas de carga, polo que os seus traballadores saben ben o que é lidar con grandes cantidades de produtos vitais para o día a día da humanidade. Max Philipp Conrady, xefe do equipo de infraestrutura de carga do aeroporto de Frankfurt lembra que «agora se está vendo que será necesario vacinarse máis dunha vez, o que significa que probablemente teremos que volver transportar as vacinas cada un ou dous anos». Con 8.000 metros cadrados destinados exclusivamente á refrixeración dos medicamentos, o Cargo Cool Center de Lufthansa é o mellor punto de partida de Europa para almacenar e repartir unhas vacinas que, segundo os primeiros resultados, necesitan estar ata a 70 graos baixo cero.
43