0
O Tribunal Administrativo do Deporte (TAD) sancionou ao expresidente da RFEF, Luís Rubiales, con tres anos de inhabilitación, segundo adiantou o portal Iusport. Son dúas sancións de ano e medio cada unha, polo bico non consentido a Jenni Hermoso e polos xestos obscenos no palco durante a final do Mundial feminino. O pleno do TAD resolveu inhabilitar a Rubiales polo tempo suxerido polo xuíz instrutor, Alfonso Ramos, o mesmo período que fixou a FIFA, tres anos, durante os cales non poderá exercer cargo algún relacionado co deporte. O exdirectivo tratou de contrarrestar a sanción presentando o pasado luns un recurso, no que incluía un vídeo onde se lle vía dando unha charla motivacional ás xogadoras antes da semifinal do Mundial.