A xunta do goberno local da Coruña reunirase esta semana de forma extraordinaria para iniciar o expediente de licitación, así como a redacción da acta de replanteo.
O alcalde Xulio Ferreiro e o edil de Rexeneración Urbana, Xiao Varela, xa lles presentaron o proxecto ós veciños, que levan demandando a derriba da ponte dende hai anos. De feito, xa creara polémica cando se construíra, en 1978.
O custo completo da obra será de 1,2 millóns de euros e constará da retirada do viaduto, o mantemento dos catro carrís de circulación e a instalación dun carril bici na subida. O período estimado da execución da obra é de 12 meses.