A Presidencia gala apuntou que Macron chamou ao presidente ruso á súa chegada ao Consello Europeo en Bruxelas, antes de que comezase a reunión dos líderes da Unión Europea. O presidente de Francia esixiu ao seu homólogo ruso, Vladímir Putin, que cese «de inmediato» as operacións militares en Ucraína. É o primeiro líder europeo que fala con Putin tras o inicio da guerra. Macron chamoulle tras falar co mandatario ucraíno, Volodímir Zelenski, e transmitiulle esa mensaxe en concertación con este último. Segundo indicou o Elíseo, o xefe de Estado francés lembroulle a Putin que o seu país exponse «a sancións masivas» pola ofensiva militar en Ucraína, lanzada a gran escala na madrugada deste xoves. Macron aproveitou a presidencia semestral de quenda da UE e o oco deixado pola alemá Angela Merkel para posicionarse como o principal mediador europeo desta crise.
45