Ascenden a máis de 1.200 os mortos en Israel polo ataque de Hamás. Os feridos superan os 2.900. Son cifras difundidas por medios locais israelís citando aos servizos de emerxencias médicas
O ministerio de Sanidade palestino rexistra ata o momento polo menos 900 mortos polos bombardeos do exército de Israel e máis de 4.500 feridos.
Varias oenegués internacionais esixiron este martes o respecto aos civilesa civís, á vez que reclamaron, á comunidade internacional, que garanta a asistencia humanitaria na Franxa de Gaza.
Os hospitais non poden prestar axuda suficiente por saturación dos servicos de urxencia e falta de subministracións.
Con alimentos, auga e combustible bloqueados, varios dos aliados de Israel subliñan que non se pode xustificar o castigo colectivo de 2,2 millóns de persoas, a gran maioría das cuales son civís inocentes.
O obxectivo do Primeiro Ministro de Israel, Benjamín Netanyahu, de formar un goberno de concentración atópase coa condición previa da oposición de que prescinda de varios dos seus ministros da extrema dereita relixiosa.
Israel baralla a opción de invadir Gaza, como xa fixeron en 2014. Mentres, no norte os israelís atacaron dous postos de observación de Hezbolá en resposta aos lanzamentos de foguetes desde o interior do Líbano.